АКО САКАТЕ ЛЕТОВО НА ПЛАЖА ВО ГРЦИЈА, ЌЕ МОРА ДА ИМАТЕ СЕРТИФИКАТ ЗА ВАКЦИНАЦИЈА ИЛИ НЕГАТИВЕН ПЦР ТЕСТ

/

Нашата држава веќе има изготвено сертификат, по насоки на ЕУ, со посебен код кој ќе послужи на граѓаните да патуваат во Грција, откако тамошните власти ќе донесат и официјална одлука за тоа, изјави министерот за здравство Венко Филипче. Според најавите што Филипче ги добил  од грчкиот министер за туризам Теохарис тоа се очекува да се случи на 14 мај. Освен сертификат за вакцинација, граѓаните кои не се вакцинирани ќе може да патуваат и со потврда за негативен ПЦР – тест што може да го направат во една од дваесетте лаборатории кои имаат дозвола од Министерството за здравство.

-Тоа што би требало да се бара при премин на границите се потврда или за примена вакцина за што ние имаме спремна потврда со соодветен код, кој ќе биде прифатен на сите гранични премини. Тој сертификат е подготвен и на почеток на следната недела веќе во понеделник ќе се издава ретроактивно на сите лица кои се ревакцинирани. Доколку граѓаните не се вакцинирани, вториот услов е негативен ПЦР тест. Ние имаме листа од дваесетина овластени лаборатории кои стручната Комисија на Министерството за здравство и дел од Комисијата за заразни болести утврдиле дека работат во соодветни стандарди и тие лаборатории со издаден ПЦР тест, се разбира  доколку е тој негативен, граѓаните ќе имаат можност да влезат во Грција. Сега чекаме и официјална потврда, а секако ја следиме и епидемиолошката состојба, изјави Филипче во интервју за ТВ Сител, пренесува zoom.mk.



Претходна статија

МАКЕДОНСКИТЕ ГРАЃАНИ АКО САКААТ ДА СЕ РЕВАКЦИНИРААТ СО АСТРАЗЕНЕКА, ТРЕБА ДА ОДАТ ВО СРБИЈА

Следна статија

ЦАРОТ САМОИЛ ДЕНЕСКА ПОВТОРНО ТЕМА НА ИСТОРИСКАТА КОМИСИЈА

Најново од Вести