Автобуска постојка во Софија во 70-тите години на ХХ век

Изложбата „Постојка Софија ’70“ со архивски фотографии на Панајот Брнев во уметничкиот простор ДОТ Софија ја поканува јавноста во периодот од 3 септември до 5 октомври на прошетка во еден од најживописните населби на главниот град – Женскиот пазар. Фотографската изложба го означува почетокот на низата настани поврзани со проучувањето и документирањето на просторот во кој се наоѓаат зградата „Стара Софија“, населба „Взраждане“ и најстариот пазар во градот.

Изложбата е курирана од Тихомир Стојанов и сококурирана од галеристката Веселина Сариева, креаторка на DOT Софија и нуди уникатен поглед на архитектонскиот, социјалниот и психолошкиот аспект на животот на овие простори во 70-тите години од ХХ век.

Фотографската прошетка започнува во 1975 година, кога камерата на Панајот Брнев сними моменти од тогашната во изградба Централната станица во Софија. Продолжува преку Лавов мост и пазарот „Георги Кирков“ – тогаш името на Женскиот пазар, и стигнува до улица „Пиротска“. Овие моменти Брнев успева да ги долови во ненамерен и репортажен стил. Како фотограф зад себе има оставено  над 7.000 филмови – од кои голем дел го документираат животот во главниот град.

Моментите фатени на камера покажуваат различни аспекти од животот на обичните луѓе – срцето и пулсот на секој град, доловувајќи ја социјалната динамика на времето. Храната и пазарењето во Женскиот пазар се доловени со автентичност и внимание на деталите. Снимката го открива и маалскиот живот, исполнет со човечки приказни и интеракции.

На изложбата ќе бидат претставени и дигитализирани аматерски филмски снимки од 70-тите, обезбедени од Кино клубот „Супер 8“, кои ги надополнуваат фотографиите и ги оживуваат сеќавањата на луѓето од минатото.

Изложбата „Постојка Софија ’70“ е второ јавно претставување на дел од архивата на Панајот Брнев, донирана на фондација „Бугарски визуелен архив“ од неговата ќерка Милена Иванова. Архивата е целосно дигитализирана од тимот на фондацијата, што ни овозможува да ги зачуваме и споделуваме драгоцените моменти од нашата историја.

Изложбата се реализира во соработка со Бугарскиот визуелен архив и Филмскиот клуб „Супер 8“.

Отворање: 3 септември, вторник, 18:00 – 20:00 ч.

Кураторска обиколка со Тихомир Стојанов: 14 септември, сабота, 17:30 ч.

Панајот Брнев е роден во Свиштов, но од детството живее во центарот на Софија. Средното образование го завршил во Првата машка гимназија, по што се запишал на „Математика“ на софискиот универзитет „Свети Климент Охридски“. Во студентските години се вљубил во фотографијата, која го одредила правецот на неговата кариера. Неговите дела го опфаќаат периодот од 1950 до 1990 година. Повеќето од неговите фотографии го прикажуваат начинот на живот и архитектурата на Софија, вклучувајќи го развојот на областа околу Централната станица, Женскиот пазар, рушењето на градската библиотека, реновирањето на плоштадот Славејков , итн.

Фото: БНР