БНР подготвува регионална програма за бугарската заедница во Тараклија
Бугарското национално радио (БНР) подготвува специјална регионална програма наменета за бугарската заедница во регионот Тараклија во Молдавија и води преговори со Teleradio Moldova за нејзината реализација, јавува БНР.
За концептот, предизвиците и визијата на проектот, како и за впечатоците од посетата на Молдавија, новинарот Антон Митов разговараше со Ашот Казарјан, заменик-министер за култура на Бугарија, и со генералниот директор на БНР, Милен Митев.
Митев изјави дека се поставени темелите на иницијативата, во што значајна улога имал и Казарјан. Во рамки на подготовките биле одржани средби со министерот за култура на Молдавија, со пратеници во молдавскиот парламент, како и со раководството на молдавската радио-телевизија.
„Од сите институции добивме уверување за поддршка, со цел да ја реализираме идејата во регионот Тараклија да се емитува радио програма на бугарски јазик“, изјави Митев.
