„Боже, чувај ја Бугарија“ ќе пишува на монетата од 2 евра, што ќе се кова во Бугарија

На монетите од 1, 2, 5, 10, 20 и 50 евро центи ќе пишува „стотинка“, а на монетите од 1 и 2 евро со кирилица „Бугарија“. Посебно на монетата од 2 евра е предвидено да се напише текст на кирилица „БОЖЕ, ЧУВАЈ ЈА БУГАРИЈА“, што е во согласност со бугарските историски традиции во ковањето монети – ова во интервју за БТА го изјави првиот човек на БНБ, Димитар Радев.

Според него, по потпишувањето во декември минатата година на меморандум за ова прашање со ЕК и Еврогрупата, Бугарија веќе ја има комплетната документација за ковање на бугарските евро монети.

Радев додава: „Управниот совет на БНБ на својот последен состанок се обедини околу идејата за репродукција на дизајнот на сегашните ковани пари, што ќе обезбеди континуитет во користените монетарни знаци и ќе го олесни признавањето на новата валута од бугарските граѓани, имено: мадарскиот коњаник – на ситните монети; Св. Иван Рилски – на монетата од 1 евро; и Паисиј Хилендарски – на монетата од 2 евра.