Бугарија ja презеде командaта со Црноморската противминска група

Бугарија во следните шест месеци ќе командува со Црноморската група за противмински мерки, заедничка иницијатива на Бугарија, Романија и Турција. Со церемонијата беше означен и почетокот на 11-тата активација на формацијата, јавува Armymedia.

Според заменик-министерот за одбрана Љубомир Монов, досегашните десет активации ја подобриле соработката и оперативната усогласеност меѓу трите флоти.

„Веќе можеме цврсто да кажеме дека сме подготвени да одговориме на сите предизвици“, изјави командантот на бугарската Воена морнарица, контраадмирал Кирил Михајлов.

Покрај противминските операции, групата ќе добие и нова задача – надзор и заштита на критичната подводна инфраструктура, вклучувајќи кабли, цевководи и други стратешки објекти.

Новата активација ќе трае до 24 јули и ќе биде поврзана со меѓународната воено-поморска вежба „БРИЗ 2026“. Групата ќе вежба и одговор на нови закани во Црното Море, меѓу кои надводни дронови и остатоци од воени дејства.

Бугарија учествува со миноловецот „Струма“ и со офицери во штабот на групата.