Бугарската влада ја продолжи привремената заштита за раселените лица од Украина до март 2027 година
Бугарската влада донесе одлука со која се продолжува примената на привремената заштита за раселените лица од Украина на територијата на земјата за уште една година. Новиот рок ќе важи до 4 март 2027 година, во согласност со одлуката на Советот на Европската унија за спроведување на Директивата за привремена заштита.
Во врска со измената, усвоени се нови обрасци на регистрациски картички што ги издава Државна агенција за бегалците. Новите документи ќе имаат важност до март 2027 година.
Со одлуката, владата на Бугарија утврди и рок за пререгистрација на лицата со одобрена привремена заштита. Процесот ќе трае до 30 април 2026 година.
