Бугарски ученици освоија 4 медали на Меѓународната олимпијада по хемија „Менделеев“
По многу силен настап, бугарските ученици освоија 4 медали на 57. Меѓународна олимпијада по хемија „Менделеев“. Бугарските средношколци ги одмерија своите знаења и вештини со 114 натпреварувачи од 21 земја и освоија 4 сребрени медали. Олимпијадата Менделеев е меѓу најпрестижните турнири по хемија во светот и оваа година се одржа во Казахстан од 30 април до 6 мај.
Бугарските сребрени медалисти се Крум Александров (4-та година, Математичка гимназија Плевен), Виктор Лилов (3-та година, Софијска математичка гимназија) , Јавор Христов (3-та година, Софијска математичка гимназија) и Преслав Георгиев (3-та година, Софијска математичка гимназија). Нивни предводници на турнирот беа доц. д-р Христо Чанев и главен асистент д-р Даниела Цекова од Хемиско-фармацевтскиот факултет на Софискиот универзитет.
Бугарскиот тим има квота од 4 ученици, а учесниците се одбрани според рангирањето на последната Национална олимпијада по хемија и заштита на животната средина, што се одржала на 18-19 март 2023 година во Стара Загора.
