Бугарските ликовни уметници Красимир Терзиев и Калина Димитрова ќе земат учество во 36-та Ликовна колонија Галичник

Бугарските ликовни уметници Красимир Терзиев и Калина Димитрова ќе земат учество во 36-то издание на ликовната колонија „Галичник“. Годинава колонијата ќе се одржи од 12 до 18 август под темата „Постмеморија – Одек на тишината“.

Темата, како што соопштија организаторите, е инспирирана од истражувањата на Мериен Хирш, Алејда Асман, Ролан Барт и В.Г. Зебалд, кои се занимаваат со прашањето како трауматичните историски искуства – иако не се директно доживеани – се врежуваат во свеста и идентитетот на наредните генерации.

„Годинашните учесници ќе ја истражуваат неизговорената меморија, тишината како сведоштво и наследената болка како уметнички материјал, користејќи нови медиуми, архиви, звучни записи, гестови и визуелни фрагменти“, се наведува во соопштението на организаторите.

Во колонијата ќе земат учество и уметници од РС Македонија, Косово, Грција, Австрија, Холандија и Србија.

Делата создадени во текот на оваа сесија, заедно со продукцијата од 2024 година, ќе бидат изложени во ноември 2025 во Националната галерија – објект Мала станица. Изложбата ќе биде придружена со професионално изработен каталог кој ќе ги документира уметничките процеси и концептите зад проектите.

Настанот е поддржан од Министерството за култура и туризам и од бројни институции и партнери.

Красимир Терзиев (р. 8 декември 1969 г., Добрич, Бугарија) е бугарски уметник, кој работи во областа на сликарството, фотографијата, инсталацијата и особено видеото и движечката слика. Дипломира во ССХУ „Цанко Лавренов“ во Пловдив и на специјалност „Сликарство“ на Националната ликовна академија (1997). Во 2012 г. ја одбранил докторската дисертација по културна антропологија на Универзитетот „Св. Климент Охридски“ во Софија на тема „Автор, медиум и дело во епохата на дигиталната репродукција“.

Неговите дела се изложувани во престижни музеи како TATE Modern (Лондон), Stedelijk Museum (Амстердам) и Centre Pompidou (Париз). Бил претседател на Управниот одбор на Центарот за медиумски уметности „Интерспејс“ (1998–2004) и содиректор на фестивалот XFILM (од 2004). Член е на Институтот за современа уметност – Софија. Добитник е на награди како „Гауденц Руф“ (2007) и специјалната награда Unlimited (2011).

Калина Димитрова е родена во 1975 година во Габрово. Во 2001 година дипломирала на насока Монументално сликарство на Националната ликовна академија, Софија. Живее и работи во Софија. Нејзините самостојни изложби вклучуваат: „Stellar skins and Phantoms“; „Phantoms“ III, Collect Gallery, Истанбул, Турција, 2023; „Phantoms“ II, Credo Box, Credo Bonum Gallery, Софија, 2023; „Fleeings“, Charta Gallery, Софија, 2022; „01100011 01101000 01110010 01101001 01110011 01110100 01101101 01100001 01110011“*, +359 Gallery, Софија, 2020; „Biophilia“, Credo Bonum Gallery, Софија, 2020; „Hidden Life“, Gallery Gallery, Софија, 2020; „More and more new water flows into that which have already flowed into the same rivers“, +359 Gallery, Софија, 2018; „TheLast5Years“, Галерија Васка Емануилова, Софија, 2010.

Учествува на бројни групни проекти, меѓу кои: „An Egg from Cow and Milk from a Hen“, Градска галерија Добрич, 2024; „Bios Polis“, Station Contemporary Art Gallery, Братислава, Словачка, 2022; „Jeanne-Claude for Beginners“, Sarieva Gallery, Пловдив, 2022; „Kunst trifft Golf“, St. Oswald, Фрајбург, Австрија, 2022; „Check in“, Collect Gallery, Истанбул, Турција, 2022; „Herbarium“, Софија Арсенал – МЦА, Софија, 2021; „The Invisible. Visualizations Beyond Memory, Imagination and Simulated Reality“, Галерија Рајко Алексиев, 2020; „The image is no longer available“, ИСА-Софија, 2017; „Fragmented Stories“, Der Verein Berliner Künstler, Берлин, 2017; „Summer Summery“, Credo Bonum Gallery, Софија, 2016; „Vienna Contemporary – Focus Bulgaria“, Виена, Австрија, 2015; „Prehod for sale“, ИСА-Софија, 2014; „Who Left What behind“, Галерија „Илија Бешков“, Плевен, 2012.