ДИРЕКТОРКА НА СКОПСКА ГРАДИНКА ЗАРАБОТИ КРИВИЧНА ПРИЈАВА-САМА СИ ГО ПРОДОЛЖИЛА МАНДАТОТ

/

Единицата за економски и компјутерски криминал поднесе кривична пријава до надлежното Основно јавно обвинителство во Скопје против 65-годишна скопјанка, поради сомнение за сторено кривично дело злоупотреба на службена положба и овластување.

Како што информираат од МВР, пријавената, во својство на директор на детската градинка „Мајски цвет“ во општина Карпош, чиј мандат истекувал на 16 јануари 2014 година, со цел да си овозможи продолжување на извршувањето на функцијата, на 11 декември 2013, самоволно и без основ, извршила сторнирање на претходно објавениот оглас за избор на нов директор на установата, преку доставување на писмени барања, потпишани од неа, до дневните весници каде што претходно бил објавен огласот.

На тој начин, продолжувајќи со извршување на директорската функција, таа си овозможила остварување повисоки примања во периодот од 16 јануари 2014 до 7 август 2018.

Во наведениот период директорката се стекнала со противправна имотна корист од 990.977 денари.



Извор: Макфакс



Претходна статија

Г. ПЕТАР: ИМА РАСПОЛОЖЕНИЕ КАЈ ЦАРИГРАДСКАТА ПАТРИЈАРШИЈА ЗА РАЗГОВОРИ ЗА АВТОКЕФАЛНОСТ НА МПЦ-ОА

Следна статија

АПЕЛАЦИЈА ОДЛУЧУВА ЗА БАРАЊЕТО НА БОКИ 13 ДА ИЗЛЕЗЕ ОД ПРИТВОР

Најново од Вести