Долгогодишната новинарка и научник д-р Виолета К. Радева ја објави книгата „Опсесија. Лора и поетот“- посветена на Пејо Јаворов и Лора Каравелова

Долгогодишната новинарка научник од Русе д-р Виолета Радева ја објави книгата „Опсесија.Лoра и поетот“, јавува БТА.

Авторката изјави дека ја посветува книгата на 110-годишнина од трагедијата што се случила на 29-30 ноември 1913 година на улица Раковски бр.126 во Софија.

„Крвавата разврска на страста, оговараната страст, што се разгоре меѓу популарниот и саканиот посебно од младите поет Пејо Јаворов и убавата Лаура Каравелова, даде храна за пишувањето во изминатиот век на илјадници страници, стотици написи и книги.Какво е значењето кон нив да се додат нови, кога веќе се е кажано- би се запрашал читателот запознаен со истражувањата на Ганка Најденова, Михаил Кремен, Никола Гајдаров“, рече Радева. Според неа, има многу необјаснети, па дури и непознати факти, некои од кои некои намерно се премолчувале, особено по 9 септември 1944 година.

„Книгата се потпира на непознати или слабо познати спомени на современиците, писма изгубени во Централниот државен архив и во Бугарскиот историски архив на Националната библиотека „Св. Св. Кирил и Методиј“, лични разговори – на пример со снаата на Лора – Фани Дренкова, со Румена Паскалева – внука на Васил Беленски, сопственик на куќата во која живееле Јаворов и Лора 11 месеци, со истакнатата германистка Жана Николова- Г’лабова, со синот на д-р Божирад Татарчев – Андреј Татарчев, со синот на литературниот критичар Петко Росен – Росен Чорбаџиев“, објаснува Радева.

Таа истакнува дека главната линија на истражувањето е во одбрана на идејата дека не е неопходно да се мрази Лора Каравелова за да се сака големиот бугарски поет. „И двајцата се херои на вистинска Шекспирова трагедија, поединци со силни карактери, со силни страсти. Трагичната вина на секој од нив е однапред одредена токму од нивните ликови и страсти, од големиот владетел на Животот – Судбината“, вели авторката.

Книгата е отпечатена од издавачката куќа „Лени Ен“ во Русе и наскоро ќе биде официјално претставена во градот краj реката Дунав.

Редакцијата на порталот Трибуна ја поздравува д-р Виолета К. Радева, која е голем пријател на нашиот медиум, по повод издавањето на нејзината книга и ѝ посакува здравје, живот полн со инспирација и уште трудови во полето на нејзината експертиза.