DW: СВЕДОК СО АДВОКАТ: И „ПРАВОТО“ СЕ ПРЕТЕРА
„Или Јанева била повикана во својство на осомничено лице штом е придружувана од адвокат или станува збор за тешка импровизација доколку во својство на сведок и бил дозволен адвокат. Ова е генерално оценката на повеќе правни експерти со кои разговараше DW, откако специјалната јавна обвинителка Катица Јанева вчера заедно со адвокат дојде да дава исказ за случајот „Рекет“ во Основното јавно Обвинителство за гонење криминал.
На прашањето до Обвинителството – во какво својство е повикана Јанаева, кусо ни одговорија: „Во својство на лице од кое се бараат потребни известувања“, но без одговор дали овој „опис” подразбира и право на адвокат“, пишува DW. во материјал посветен на вчерашното сведочење на Катица Јанева во врска со аферата „Рекет“, во Јавното обвинителство за организиран криминал и корупција.
