Џафери во Тирана ја доби титулата „Doctor Honoris Causa“

/

Претседателот на Собранието на Република Северна Македонија, Талат Џафери, присуствуваше на одбележувањето на „Златната годишнина“ на Универзитетскиот колеџ „Ќириази“ на покана на претседателот и ректор на Универзитетскиот колеџ, а по одлуката на нивниот Академски сенат да му ја додели титулата „Doctor Honoris Causa“.

Оваа титула, како што стои во образложението на одлуката, му се доделува на претседателот Џафери за „неговиот особен придонес во официјализирањето на албанскиот јазик, за слободата и правата на Албанците во Северна Македонија, за мудроста и високите интелектуални и државотворни вредности во заштита на националниот идентитет, за неговите душевни врски со иконите на националното образование, Севасти и Параскеви Ќириази и Кристи Дако, кои се историско наследство и продолжение на Универзитетскиот колеџ Ќириази“.

-Тоа е признание за цела една плејада на луѓе кои посветено настојувале да го сочуваат, да го издигнат и надградат нашиот статус, било политички, било општествен, во деловите каде што живееме надвор од просторот на Република Албанија и несомнено дека оваа награда, првенствено се посветува на сите тие мои сопатници со кои заедно сме делувале за да стигнеме таму каде што сме денес, за да можеме да продолжиме понатака кон предизвиците што стојат пред нас…, истакнал Џафери.



Во рамки на одбележувањето се одржа и историски симпозиум во чест на 131-годишнината од основањето на Институтот Ќириази во Корша и 100-годишнината од повторното отворање во Тирана.

Извор: zoom.mk

Претходна статија

Спасовски заедно со бугарскиот заменик министер за внатрешни работи Венцислав Катинов на демонстрација на заедничка вежба на специјалните антитерористички единици од двете држави

Следна статија

Отворен новиот објект на бугарскиот Културно-информативен центар

Најново од Вести