Полициските автомобили со симболиката на „парадите на гордоста“ организирани од луѓето со различни сексуални ориентации, кои се одржуваат на многу места во Европа и Америка, стануваат сè повеќе. И ова не е шега, туку тренд кој се шири.
Пред неколку дена, полицијата во Либек (Германија) официјално објави дека веќе ќе врши патрола со автомобил на чија хауба е нацртано виножито. Тој потег на полицијата има за цел да покаже поддршка за претстојниот викенд на гордоста на геј луѓето во градот. „Ова е можност јавноста да разбере дека ние се грижиме за безбедноста на сите – без оглед на нивната сексуална ориентација или нивниот родов идентитет“, соопшти локалната полиција.
Претходно овој месец, слична изјава беше дадена и од главниот комесар на полицијата во Ирска, Дру Харис, кој претстави автомобил во сличен изглед:
„Со нетрпение ја очекуваме парадата на гордоста во Даблин, и за таа цел ги„ обоивме нашите автомобили со симболот на лгбт заедницата, бидејќи е важно да се знае дека нашата гарда (т.н. ирска полиција) им служи на сите “, изјавил Харис.
