Генералниот конзул на Бугарија во Чикаго: Илинденците и преображенците се дел од заедничката историја меѓу Бугарија и РС Македонија

Денеска одбележуваме 122 години од избувнувањето на Илинденско-Преображенското востание – второто по обем вооружено востание на Бугарите во Отоманската империја по Априлското востание од 1876 година, пишува на својот Facebook профил Светослав Станков, генерален конзул на Бугарија во Чикаго.

На 2 август 1903 година – на денот на св. пророк Илија – избувнува востанието во Битолскиот револуционерен округ, а малку подоцна и во Одринскиот. Илјадници Бугари од Македонија и Одринско ја креваат оружената борба со јасна свест дека го избираат саможртвувањето во името на слободата. Востанието останува симбол на хероизмот и националното достоинство.

Со овие зборови е објавено востанието во Манифестот на Внатрешната македонско-одринска револуционерна организација:
„Ние се вдигнахме на борба не за да създаваме царства, не за да издигаме тронове и корони, а за да се освободим от политическото робство, в което гине нашият народ… Въстанахме, за да покажем, че сме живи и че искаме да живеем като хора!“

Илинденците и преображенците се дел од заедничката историја меѓу Бугарија и Република Северна Македонија, признаена во Договорот за пријателство, добрососедство и соработка од 2017 година. Нашето заедничко почитување кон овие херои е основа за градење на трајно разбирање, засновано на историската вистина и взаемната почит.

Поклон пред саможртвата на учесниците во Илинденско-Преображенското востание! Да го помниме нивниот завет – слобода, правда и достоинство, стои во објавата на Станков.