ГЕРМАНИЈА ГО ПРОДОЛЖУВА И ГО ЗАОСТРУВА „ЛОКДАУНОТ“

Делумниот карантин воведен во ноември продолжува, а контактите ограничени. Канцеларка Ангела Меркел и покраинските премиери вака сакаат да се справат со вториот корона-бран во земјата. Исклучоци ќе важат само за Божиќ.

loading...

Гуска во рерна, подароци под елка и цело семејство собрано на маса. Ова е идеалната слика за Божиќ за многу германски семејства. Ваква прослава со семејството е возможна и годинава и покрај корона-пандемијата. Канцеларка Ангела Меркел и 16-те покраински премиери постигнаа согласност околу ова на седумчасовниот онлајн состанок. Нивните заклучоци гласат: за време на божиќните празници се дозволени средби до 10 лица од различни семејства –децата до 14 години не се бројат.

Канцеларката сепак предупреди од големи очекувања и олабавување за божиќните празници. „Ситуацијата не ни дозволува да ги олабавиме ноемвриските мерки.“ Рестораните, баровите, кина, театри и други места за забава и понатаму остануваат затворени, а забрането е и ноќевање за туристи во хотели. Ова засега ќе важи до 20 декември, но можно е продолжување, рече Меркел, „освен ако имаме неочекуван пад на заразени.“ Во голем дел владата ќе ја надомести настанатата финансиска загуба.


loading...

„Продолжен и заострен карантин“

Ограничувањето на контактите исто така ќе биде заострено, најави Меркел: дозволена е средба на најмногу пет лица од две домаќинства – освен за божиќните празници. Можни се дополнителни ограничувања, особено во делот на дозволени контакти, за региони во кои има над 200 заразени на 100.000 жители во една недела. Како тоа ќе се спроведе во пракса е задача на покраините.