Градот Гоце Делчев ќе одбележи 113 години од своето ослободување со богата програма, што ќе трае цела недела

Градот Гоце Делчев (поранешен Неврокоп) ќе ја прослави 113-та годишнина од своето ослободување со низа културни, историски и духовни настани, кои ќе се одржат во периодот од 10 до 17 октомври 2025 година. Организатор на прославата е Општина Гоце Делчев, со поддршка од културните институции во градот, јавува Пиринско.

Прославата ќе започне на 10 октомври (петок) со концерт на познатиот пејач Володја Стојанов и оркестарот „Штуро маке“, кои ќе одбележат 30 години заедничка творечка дејност. Во концертот ќе учествува и специјалната гостинка Бојана Карпатова. Настанот ќе се одржи во Градскиот парк, со почеток во 18:00 часот.

Следниот ден, 11 октомври (сабота), љубителите на хорската музика ќе уживаат во концертот на Хорот при 91. Германска јазична гимназија „Проф. Константин Г’л’бов“ од Софија, кој ќе се одржи во изложбената сала на Домот на културата со почеток во 18:00 часот.

Во понеделник, 13 октомври, во Општинскиот историски музеј ќе биде откриена изложбата „Големи денови – Сломени денови. Балканските војни (1912–1913)“, која ќе започне во 17:00 часот и ќе ги прикаже историските спомени од времето на ослободувањето на регионот.

Во среда, 15 октомври, во киното „Парадизо“ ќе има бесплатна проекција на документарниот филм „Уште ли одиш, Делчев војвода“ – посветен на револуционерот Гоце Делчев и неговото наследство. Проекцијата ќе започне во 18:00 часот.

На 16 октомври (четврток), во изложбената сала на Домот на културата, ќе се одржи литературна средба со писателот Иван Мишев, кој ќе ги претстави своите нови книги „Подарок за мама“ и „Гатанки слаткодумни за дечиња умни“. Настанот ќе започне во 17:30 часот.

Централниот дел од прославата ќе се одржи на 17 октомври (петок) и ќе биде исполнет со патриотски церемонии, верски служби и културни настапи.
Во текот на денот ќе се положуваат венци и свежо цвеќе на спомениците на Гоце Делчев, Пејо Јаворов, Стојан М’лчанков, генерал Константин Жостов, генерал Стилјан Ковачев и Христо Ботев.
Во 17:00 часот во храмот „Св. Св. Кирил и Методиј“ ќе се одржи заупокојна молитва и благодарствен молебен, кој ќе го предводи Неврокопскиот митрополит Серафим.

Во 18:30 часот, во Домот на културата, ќе се одржи завршниот концерт-спектакл „Меѓу девет планини“ на ансамблот „Пирин“ од Благоевград, со кој свечено ќе заврши чествувањето.