|

ИНТЕГРА СО ПАРТИСКО СООПШТЕНИЕ ЗА УРИВАЊЕТО НА КАФЕАНАТА НА ЉУПЧО РИСТОВСКИ

„Ваквиот чин на брутална злоупотреба на овластувањето од позиции на власт претставува чист пример на политички притисок врз лидерот на опозициската Интегра – Македонска конзервативна партија, чин на политички рекет и политичка корупција од највисок вид. Шилегов се осмели да упати порака до Ристовски дека премногу ги критикувал СДС* и дека тој најдобро знаел зошто му се руши терасата. Со вакво дрско и безобразно своеволие на Шилегов и на СДС*, владата испраќа порака до сите идни инвеститори дека ниту еден официјално заверен проект, издадени решенија и одобренија од официјални органи на локална управа или владата, нема никакво релевантно значење и зависат целосно од волјата на властите“, велат од Интегра.

Според нив, уривањето е чин на злосторство против приватната сопственост и слободата на политичко делување на опозициски политички субјект, поради што Градот Скопје и градоначалникот Шилегов ќе добијат тужба и кривична пријава за вршење политички притисок и закани од позиција на носители на локална власт.

„Нагласуваме дека СДС* и Зоран Заев, и особено Шилегов, во ништо не се поразлични од режимското владеење на Груевски, чиишто експоненти денес се во затвор и кривично осудени за слични постапки на незаконито рушење за вакви или слични објекти“, велат од партијата.



Слични Објави