ИСКЛУЧЕНИТЕ ОД ВМРО-ДПМНЕ ПРАТЕНИЦИ СМЕТААТ ДЕКА ОТВОРЕНИТЕ ЛИСТИ СЕ ДОБАР ОСНОВ ЗА ИЗМЕНА НА ИЗБОРНИОТ ЗАКОНИК
Пратениците од независната пратеничка група на ВМРО-ДПМНЕ соопштија дека ќе се залагаат за намалување на бројот на пратеници за застапеност на лицата со посебни потреби на листите, за рамноправна застапеност на мажите и жените и да се изнајде решение со кое ќе се гарантира застапеноста на помалите етнички заедници.
Тие бараат да бидат вклучени во преговорите за најавените промени на Изборниот законик. Исклучените од ВМРО-ДПМНЕ пратеници велат дека ќе бидат конструктивни партнери во преговорите и ќе ја застапуваат заложбата за поголема демократија во начинот на избор на пратеници што ќе допринесе за разноликост, инвентивност и можност за презентација на различни ставови. Според нив отворените листи се добра почетна основа за која треба дополнително да се разговара.
