ИЗЛОЖБА И НАГРАДИ НА 50-ТАТА СВЕТСКА ГАЛЕРИЈА НА КАРИКАТУРИ СКОПЈЕ 2018

/

Во Музејот на град Скопје, вечерва во 20:20 часот, Галеријата „Остен“ ќе ги објави имињата на наградените автори на 50-тата Светска галерија на карикатури Скопје 2018. По повод јубилејот, на изложбата ќе се презентира по една карикатура од сите карикатуристи кои се пријавија на конкурсот: 208 карикатуристи од 50 земји во светот, од кои 140 првоселектирани ќе бидат застапени со репродукција во каталогот …

Од „Остен“ нагласуваат дека конкуренцијата била голема, а Ердоган Басол од Турција во Скопје доаѓа во двојна улога, како селектор и член на жири.

Според стручното мислење на Ердоган, 140 карикатури кои ќе бидат претставени во каталогот со репродукција, се одбрани за понатамошна селекција и ова било појдовната точка за жирирање од страна на членовите на меѓународното жири на 50-тата Светска галерија на карикатури Скопје 2018.

Членови на меѓународната жири комисија се и Ен Телнес, САД, редакциски карикатурист во Вашингтон пост, Владимир Казаневски од Украина, карикатурист и предавач по теорија на карикатура, Мостафа Рамезани од Иран / Франција, карикатурист и графички дизајнер, како и Мице Јанкуловски од Македонија, уметник, карикатурист и претставник на „Остен“.



Изложбата на карикатури во Музејот на град Скопје ќе биде поставена до 10 јуни.



Претходна статија

ЦЕНТРАЛНИОТ ОДБОР НА СДСМ МУ ДАДЕ ПОДДРШКА НА ПРЕТСЕДАТЕЛОТ ЗАЕВ ДА ГИ ПРОДОЛЖИ РАЗГОВОРИТЕ И ДА НОСИ ОДЛУКИ ЗА СПОРОТ СО ИМЕТО

Следна статија

Г. ТИМОТЕЈ: МПЦ-ОА БАРА ПРИЗНАВАЊЕ НА АВТОКЕФАЛНОСТ, А НЕ ПРОМЕНА НА ИМЕ

Најново од Истакнато