КИЦ „Босилеград”: 10 дена летен одмор во Равда за деца од Босилеград

Утрово група од околу педесет деца од Босилеград заминаа на традиционалниот 10-дневен летен одмор во туристичкиот комплекс Равда, Бугарија, јавува преку својот Facebook профил првиот човек на КИЦ Босилеград Иван Николов. Летниот одмор за децата од Босилеград се организира веќе три децении со финансиска поддршка од Народното собрание на Република Бугарија и во партнерство на КИЦ „Босилеград“ со Националниот центар за ученички одмор, туризам и спорт.

Одморот во Равда е пример за активна грижа на највисоката државна институција на Бугарија за децата од бугарската заедница надвор од границите на земјата, пишува Николов.

Во моментот таму веќе престојува група од околу педесет деца од Цариброд, а вечерва на нивно место ќе пристигнат децата од Босилеград. На 21 август се очекува и пристигнувањето на група од 40 деца од село Звонци.

За децата е обезбедена храна и сместување во трокреветни и четирикреветни соби, додека трошоците за превоз од Босилеград до Равда и назад, како и осигурувањето, се на сметка на учесниците. Свој придонес дава и приватната превозна фирма „Тасе-Турс“, чиј автобус е на располагање на децата за време на престојот и со тоа ја намалува цената на превозот за половина, стои во објавата на Иван Николов.