Ковачев: Проблемот со РС Македонија е неспроведувањето на Договорот, а не службената Влада во Бугарија

//

„Не е проблемот во тоа што има привремена влада во Бугарија, како што смета Зоран Заев. Проблемот е во тоа што Скопје не направи ништо за да го спроведе договорот со Бугарија“, вели во специјален коментар за бугарската агенција БГНЕС, бугарскиот европратеник и заменик претседател на ЕНП во Европскиот парламент Андреј Ковачев.

Според Ковачев РС Македонија лобира против Бугарија со цел да ја наруши бугарската позиција и за да се изврши притисок врз Софија.



„Не се расправаме за сегашниот идентитет и јазик. Договорот зборува за заедничка историја на двата сегашни народи. Заедничката бугарска историја, не е споделена, не е испреплетена, тоа е историјата на истата етничка група во минатото, етничка група што беше сурово поделена од несреќната судбина и Големите сили на почетокот на 20 век. Секој има право на самоопределување. И нашите предци го имаат истото право, како и живите сега. Омразата и неединството може да се надминат само преку европска интеграција и храброст да се прифатат фактите какви што биле. Тоа е она што го вели договорот, што мора да се почитува, а Скопје имаше многу време од 2017 година да го стори тоа. Извинувањата со привремената влада се неиздржани. Исто така, мислам дека се неиздржани и очекувањата дека следната бугарска влада може да ја прифати лагата. Фактите се свети“, вели Ковачев во својот специјален коментар за БГНЕС.

Претходна статија

Промоција на книгата на Тихомир Јанчовски „Сè што знам за животот“

Следна статија

Демант од Софија: Радев и Бајден не разговарале за РС Македонија-нема притисок врз Бугарија од страна на САД

Најново од Вести