Љ. НЕШКОВ (БГНЕС): СОВЕТНИЦИ НА ЗАЕВ ГИ НАРЕКУВААТ БУГАРИЈА И ГЕРМАНИЈА МАФИЈАШКИ ДРЖАВИ ФАНОВИ НА НАЦИЗМОТ

//

Тројца советници на македонскиот премиер Зоран Заев учествуваат во валканата кампања против Бугарија во Европската унија. Ваквата информација ја откри сопственикот на бугарската агенција БГНЕС Љубчо Нешков во утринската програма на БТВ „Тази сутрин“.

„Словенечкиот „Меѓународен институт за блискоисточни и балкански студии“ IFIMES, објавува антибугарски анализи и извештаи веќе втора година по ред. Во својот последен извештај од 24 март, ИФИМЕС ја нарече Бугарија „грдото лице на ЕУ“ и го насочи својот напад преку две теми – историски есеј за тоа што е Бугарија и анализа на владејачкото мнозинство во Бугарија, посебно на ГЕРБ. Во типичниот југословенски стил на диктаторот Јосип Броз Тито, Бугарија е опишана како држава „која е создадена вештачки со договор меѓу Русија и Отоманската империја во 1878 година“. Во тоа време, според авторите, во Бугарија немало Бугари, туку само „Богомили, Македонци и Турци“, кои потоа биле подложени на „присилна бугаризација“.

„Словенечките“ аналитичари исто така веруваат дека „преку ГЕРБ и слични политички партии, мафијата навлегла институционално во ЕУ“. Според нив, Германската христијанско-демократска унија (ЦДУ) и лично канцеларката Ангела Меркел се „газдите“ кои стојат зад „криминалот на Бојко Борисов“, наведувајќи дека претставниците на ЦДУ се директно вмешани во криминал. Според авторите, покрај сестринските партии (како дел од Европската народна партија), ГЕРБ и ЦДУ се и „сестри криминалци“. Причината, според „словенечките“ експерти, лежи во фактот дека и ЦДУ и нејзиниот баварски коалициски партнер ХСС (Христијанско-социјалната унија) „тајно ја негуваат и сочувствуваат со поразената идеологија од Втората светска војна“. Според IFIMES, Ангела Меркел и нејзината партија ЦДУ се тајни обожаватели на Третиот рајх, нацизмот и Адолф Хитлер.

Поради скандалозните публикации, двајца почесни претседатели на институтот, поранешниот хрватски претседател Стипе Месиќ и последниот министер за надворешни работи на Југославија, Будимир Лончар, јавно се оградија од „истражувањата“ и истакнаа дека станува збор за публикации во стилот на УДБА, застрашувачката државна безбедност на диктаторот Тито“, вели Нешков.



Извршни директори на Институтот се Зијад Беќировиќ и Бахтијар Алиаф – советници на Зоран Заев, како и Владо Димовски, професор по економија, исто така советник на Заев.

Според Нешков, властите во Скопје треба да дадат одговор за постапките на советниците на премиерот Зоран Заев откако вчера вицепремиерот Никола Димитров јавно призна дека „жали што амандманите поднесени од европратеничката Тања Фајон, која беше наградена од IFIMES, не беа одобрени од Европскиот парламент “.

Претходна статија

МИЛОШОСКИ: ПОПИСОТ ДА СЕ ОДЛОЖИ ЗА СЕПТЕМВРИ

Следна статија

ПОКРАЈ СО МИЦКОСКИ, ЗАЕВ СЛЕДНАТА НЕДЕЛА ЌЕ СЕ СРЕТНЕ СО АЛИЈАНСА И АЛТЕРНАТИВА ЗА ЗАКОНОТ ЗА ДРЖАВЈАНСТВО

Најново од Вести