Ние сме Америка кога лидерите ги нарекуваат диктаторите со нивните вистински имиња и борците против тиранијата- херои
Став на сенатор Кори Букер/Фактор
Ние сме Американци.
Ние сме најмоќната нација на планетата.
Но, она што не дефинира не е нашата моќ да доминираме над слабите.
Она што го покажува нашиот карактер не е нашата способност да ги трауматизираме угнетените.
Она што ја кажува нашата вистина не е како ги исмеваме, омаловажуваме или понижуваме оние кои се борат, скршени или исцрпени.
Ние сме:
Државата на Маршаловиот план.
Нацијата на Берлинскиот воздушен мост.
Нацијата чиј лидер рече: „Господине Горбачов, урнете го овој ѕид“.
Најдобри сме кога сме решителни против злото, а не кога им се поклонуваме на оние што го прават.
Ја зборуваме нашата вистина кога ги браниме слабите – не кога тоа го правиме само за хонорар.
Ние сме Америка кога нашите лидери ги нарекуваат диктаторите со нивните вистински имиња, а оние кои се борат за демократија против тиранијата херои.
Доналд Трамп и Џеј Ди Венс денеска не покажаа сила – покажаа слабост.
Тие омаловажија џин и покажаа колку се навистина мали.
Тие претставуваат една од најпрестижните институции во светот: претседател и потпретседател на САД. Но, институциите не го прават човекот. А денес и двајцата ги посрамотија.
Пред нив стоеше уморен воин. Човек кој изгубил илјадници свои пријатели и другари поради неправедната и незаконска агресија на авторитарен лидер.
Тие не покажаа никакво благородништво, ниту големина на духот, ни дипломатска острина. Тие беа ситни насилници со големи титули кои не покажаа почит кон историјата и наследството на нацијата што ја водат.
Денес, Доналд Трамп се однесуваше повеќе како Путин на Русија отколку како претседател на Америка.
