Нова бугарска иновација против микропластиката во водата

Здравје, наука, одржливост – и како новите технологии можат да помогнат да се реши еден од најсериозните еколошки проблеми на нашето време.

Во рубриката „Зелени иноватори“ на емисијата „Нашиот ден“ на БНР, гостуваше Димитар Филипов, коосновач на AquaLID – бугарска иновација која овозможува откривање микропластика во водата во реално време.

„Огромен дел од отпадот завршува во океаните. Струите, ветрот и други фактори со векови го разложуваат отпадот на сѐ помали честички. Најлошо е тоа што не знаеме колку време е потребно за конечно разградување на овие супстанции. Најчестите полимери се разградуваат речиси 500 години,“ истакнува Филипов.

Нема место на Земјата или жив организам каде што не е пронајдена пластика. Според истражувањата, дури и во женските јајце клетки се откриени микрочестички, што значи дека луѓето веќе се раѓаат со микропластика во ткивата.

Во моментов, мерењето на микропластика во водата се врши со адаптирани технологии кои всушност не се наменети за овој вид загадување. Тоа ја мотивирало екипата на AquaLID да го развие соодветното решение.

АquaLID е во фаза на лабораториска валидација. Уредот веќе е патентиран во Бугарија и Европа, а неговите креатори активно бараат инвестиции за да го финализираат развојот и да започнат индустриско производство.