ОКОЛУ ЕДНА ТРЕТИНА ОД БРИТАНЦИТЕ НЕ БИ САКАЛЕ ДА СЕ ВАКЦИНИРААТ ПРОТИВ КОВИД-19

Околу една третина од Британците не би се вакцинирале против Ковид-19 или не се сигурни дека би го сториле тоа, покажуваат резултатите од новото истражување што го објави „Скај Њуз“, пренесува НОВА.

Во однос на оние кои во најголем дел се потпираат на традиционални информативни платформи, учесниците во истражувањето, кои сè повеќе се информираат преку социјалните мрежи, биле помалку наклонети да се изјаснат дека ќе се вакцинираат.

Во анкета на јавното мислење учествувале 1.666 лица, а шест проценти од нив рекле дека сигурно нема да се вакцинираат. Десет проценти од учесниците изјавиле дека веројатно нема да го сторат тоа, додека 15 проценти се изјасниле дека не знаат дали би го сториле тоа.

Од друга страна, вкупниот процент на оние кои имаат позитивен став кон вакцинацијата е 69 отсто, бидејќи 38 отсто од испитаниците се изјасниле дека сигурно ќе се вакцинираат, а 31 отсто дека веројатно би го сториле тоа.

loading...

Истражувањето е спроведено на барање на Британскиот центар за борба против дигитална омраза, кој, исто така, објави извештај за ширењето лажни информации за вакцини преку Интернет.