Педесетина деца од Босилеград заминаа на летување во Равда, Бугарија

Група од педесетина деца од Босилеград утрово замина на традиционален десетдневен летен одмор во туристичкиот комплекс Равда во Бугарија, јави преку социјалната мрежа Facebook, Иван Николов, прв човек на КИЦ „Босилеград“.

Летувањето се организира веќе три децении со финансиска поддршка од Народното собрание на Бугарија и во партнерство меѓу Културно-информативниот центар „Босилеград“ и Националниот центар за ученички одмор, туризам и спорт.

За децата се обезбедени храна и сместување во трикреветни и четирикреветни соби. Трошоците за превоз од Босилеград до Равда и назад, како и за осигурувањето, ги покриваат учесниците.

Во организацијата е вклучена и приватната превозна компанија „Тасе-Турс“. Нејзиниот автобус ќе им биде на располагање на децата за време на одморот, со што цената на превозот е намалена за половина.

Во август, преку истата програма и со средства од бугарското Народно собрание, во Равда летуваа и педесетина деца од Цариброд и околу 40 деца од село Ѕвонци, информира Николов, во својата објава.