Според непотврдени информации пратеникот од БЕСА, Зеќирија Ибраими ќе биде новиот министер за култура во Владата на Зоран Заев. Ибраими доаѓа на местото на Роберт Алаѓозовски. Реконструкцијата на Владата се случува по проширувањето на парламентарното мнозинство. Пред два дена, тетовското крило на БЕСА, предводено од Билал Касами официјално ги прекина преговорите за влез во Владата. Засега во оваа владина гарнитура влегува само крилото на БЕСА предводено од пратеникот Африм Гаши. Зеќирија Ибраими беше пратеникот што ја испеа албанската химна од говорницата во Собранието на Македонија, пред самиот почеток на упадот во парламентот на 27 април 2017г.
