Пендаровски коленичи за втор мандат, вели Мицкоски

Претседателот Стево Пендаровски коленичи кај ДУИ и СДС за втор мандат. Вака првиот човек на ВМРО-ДПМНЕ, Христијан Мицкоски, го коментира ставот на Пендаровски дека не ги разбира аргументите на опозицијата зошто се против уставните измени.

„Ние го разбираме претседателот Пендаровски затоа што претседателот Пендаровски во моментот коленичи за да добие втор мандат и да биде поддржан од СДС и ДУИ и мисли дека на тој начин ќе биде повторно избран, што мислам дека му е погрешна процена и само ги губи својот образ и човечкото достоинство, но тој нека продолжи да коленичи, нам ни е важно дека сме разбрани кај повеќе од 80 проценти од граѓаните во Македонија, а дали Стево Пендаровски не разбира, тоа е негов личен проблем и можам да ви кажам дека и воопшто не ми е гајле дали Стево Пендаровски не разбира или не“, нагласи Мицкоски.