| |

ПОВИК ДО МИНИСТЕРОТ ВЕНКО ФИЛИПЧЕ ДА ПОМОГНЕ НА ЕДНА МАЈКА ДА СИ ГО СПАСИ ДЕТЕТО

Валентина Костоска се обрати и јавно преку социјалните мрежи за да го спаси животот на своето дете кое е со ретка болест. Таа вчера доставила и барање до министерот Венко Филипче во коешто го повикува министерот да распореди сместување на нејзината ќерка Емануела Костоска во здравна установа без разлика дали истата е државна или приватна. Емануела е диагностицирана со ретката болест PWS ( Prader-Willi syndrome ) и има потреба од специјализирана медицинска помош.

„До 12 годишна возраст, мојата ќерка Емануела се лечеше на Клиниката за детски болести. Таму ја лекуваа со погрешна дијагноза
PARALUSIS CEREBRALUS- Церебрална парализа. Ја третираа со витамини. Потоа стапив во контакт со IPWSO и ќерката замина на лекување во Германија, половина од трошоците ги покриваше Фондот за здравствено осигурување. Откако ќерка ми се врати од Германија таа не беше примена во ниедна здравствена установа. Тужев поради тоа и го добив предметот на Управен суд. Го информирав со официјално барање министерот Филипче, а испратив преставка до народниот правобранител и молба до премиерот Зоран Заев. Додека мојата ќерка се лекуваше во Германија симна 60 килограми и беше во одлична кондиција, сега за само 3 месеци, качи 12 килограми, докторите од Германија ми кажаа дека дури 3 килограми вишок се крититични за нејзината состојба и таа може да умре. Сакам да кажам исто така дека ми испратија персонални асистентки, но истите не беа обучени да се справуваат со таа тешка болест. Од докторите во Германија знам дека обука за персонални асистенти на лица болни од
Prader-Willi syndrome се врши само во Австралија и не верувам дека некој во Македонија воопшто е обучен токму за таа болест. “- изјави за нашиот портал мајката на Емануела, г-ѓа Валентина Костоска.



Слични Објави