Пратениците утре ќе гласаат за нов министер за здравство
На утрешната собраниска седница, пратениците ќе гласаат за избор на нов министер за здравство, по заминувањето на Арбен Таравари, кој се приклучи на опозициските редови. Како негов наследник, премиерот го предложи Азир Алиу, поранешен министер за информатичко општество и член на коалицијата „Вреди“.
Покрај ресорот здравство, ќе се пополнува и местото заменик-министер за земјоделство, шумарство и водостопанство. На оваа позиција е номиниран Албрим Хоџа.
Доколку предложените решенија добијат поддршка, ќе биде целосно пополнет кадровскиот состав на Владата во двата клучни ресори – здравство и земјоделство, кои досега функционираа без назначени носители на овие функции.
