Со положување венци и свежо цвеќе во Благоевград беше одбележана 141-годишнината од Соединението

Со положување венци и свежо цвеќе во Благоевград беше одбележана 141-годишнината од Соединението на Кнежеството Бугарија со Источна Румелија. На одбележувањето пред спомен-плочата на загинатите во борбите за обединувањето и независноста на Бугарија учествуваа припадници на Третата бригадна команда, како и политичари, јавни личности и голем број граѓани, јавува БНТ.

Пред присутните, градоначалникот Методи Бајкушев потсети на важни факти од историјата на Бугарија поврзани со Соединението и нагласи дека не треба да се заборава заветот на предците:

„Нека Соединението ја создава силата во вистината, слободата, правдата и демократијата. Да живее Бугарија!“

По повод празникот, директорот на Регионалниот историски музеј, Кирил Алексиев, истакна дека 6 септември го симболизира стремежот кон обединување на сите бугарски земји.

„И покрај тоа што Пиринска Македонија и останатиот дел од Македонија во тоа време остануваат надвор од границите на бугарската држава, сепак ние го носиме и го споделуваме заедничкиот бугарски дух. Соединението е многу важен чекор што покажува дека, без оглед на големата политика, плановите на големите сили и интересите на различните фактори во историските процеси, ако еден народ има желба да го постигне своето обединување, тој може да го направи тоа“, додаде Алексиев.