Софискиот научен фестивал годинава собира научници од 11 земји

Тринаесеттото издание на Софискиот научен фестивал собира на едно место научници од 11 земји од денеска до 14 мај, соопштија организаторите од Фондацијата „Убава наука“.

Настанот ќе се одржи во Софија Тех Парк, а во истиот ќе учествуваат истражувачи и иноватори од Австрија, Бугарија, Кенија, Кина, Обединетото Кралство, Полска, Португалија, САД, Украина, Франција, Чешка. Тие ќе ги убедат гледачите од различни возрасти на трите сцени, и учесниците во петте работилници и други простори, дека науката е достапна, динамична и придонесува за животот на секој еден од нас.

Фондацијата „Убава наука“ го организира форумот заедно со својот главен партнер, Министерството за образование и наука, и со поддршката на општина Софија.

Фестивалот е дел од Календарот на културни настани на главниот град на Бугарија и обединува академски, корпоративни, меѓународни и медиумски партнери. Заедно се презентираат над 150 настани во две програми – Училишна и Основна, 40 штандови со демонстрации и експерименти, изложби, научна книжарница и активности на отворено.

Повеќе од 120 етаблирани и новите научници, иноватори, истражувачи, научни комуникатори и креативци ќе се соочат со публика од сите возрасти за презентации, дискусии, работилници, демонстрации и емисии. Општата програма вклучува и неколку тематски циклуси посветени на вселената, здравјето, нашата планета, науката и уметноста, технологијата и годишнините.