Украинците и денеска бегаат од Киев, во чии предградија се водат борби

Украинците, но и странците кои во моментов се наоѓаат во оваа земја, од вчераутро нападната од руската армија, и денеска масовно се обидуваат да ја напуштат. Огромни колони возила ги блокираа речиси сите излези од Киев.

„Јас сум на северот на Киев, каде Русите продолжуваат со бомбардирање. Ова е мостот што Украина го разнесе денеска за да го спречи напредувањето на руските тенкови. Можете да видите луѓе како бегаат од градот пеш, се качуваат над урнатините“, напиша на Твитер дописничката на Гардијан од Киев, Франческа Ебел.

Меѓу големиот број луѓе кои во моментов се евакуирани од Киев е и Ана Млинариќ, новинарка на ТВ Н1 во Загреб.

-Ни требаа три часа за 15 километри, три ленти на автопатот се целосно пренатрупани со автомобили, а можеме да видиме луѓе како пешачат на запад, рече Млинариќ.

Таа вели дека откако почнале со евакуацијата на обиколницата на која се наоѓале се слушнале најмалку три детонации, што биле релативно блиску до нив.

Граѓаните на Киев минаа немирна ноќ, а детонациите почнаа рано утринава, додека неколку од нив биле многу силни. Цело утро се слушаа воздушни сирени.



Руската војска навлегува во Киев од север, од областа Чернобил, преку дел од градот наречен Оболонт, што е на 13 километри од центарот на градот, објаснува тој.

Таа додаде дека „од сигурни извори дознава дека еден од начините на кои руската војска влегла во Киев е што се војниците облекувале украински униформи и дека на тој начин се инфилтрирале“.

Извор: Zoom. mk



Претходна статија

Црвен крст одвои 10.000 евра за населението во Украина, парична помош може да се донира до 15 март

Следна статија

Бесими-Лукаревска: Зголемена минималната плата

Најново од Вести