(Видео) Димитар Димитров од Босилеград: Бугарите страдаат од шовинистот Вучиќ

Екстремно сум незадоволен што сме принудени да живееме во Србија. Имам еден плакат кој ми е многу драг: „Западните покраини немаат ништо заедничко со Србија“ и секогаш го носам на 27 ноември, кога е потпишан Нојскиот диктат.

Ова го изјави пред БГНЕС Димитар Димитров, активист за правата на бугарското национално малцинство во Западните покраини.

Тој го определи сегашниот српски претседател Александар Вучиќ како шовинист. „Тој дури не е шовинист, тој е нацист“, прецизира Димитров. За тоа зборува и неговата политика, против која веќе протестираат шести месец по ред и самите Срби. „ Сака во Европа, а оди во Русија. Мисли дека сме мали деца. Пред една година Вучиќ дојде во Босилеград и мене ме уапсија. Побарав од властите да добијам документ на каква основа сум задржан, но таков не добив. Србија Северна Кореја ли е или…?“, рече тој.

Димитров со жаљење забележа дека бугарските политичари се респектирани на некој начин од Вучиќ. „Србите многу го сакаат морковот, но стапот е за нив. Им го покажаа и Хрватите, и Босанците, и Косоварите. Само ние ги толерираме“, додаде тој, мислејќи на неодамнешното интервју на бугарскиот амбасадор Петко Дојков за српски медиум, во кое изјави тој дека имаме одлични односи со Белград.

„Ние страдаме претпладне од српскиот шовинизам, а попладне од бугарскиот нихилизам и конформизам“, рече Димитров.