(Видео) Милотинова: Контролата за исполнување на преземените обврски од РС Македонија треба да биде во Советот на ЕУ, а не во Европската комисија

Се работи за три документа и тие мора да се разгледаат во целина за да се одговори на прашањето дали ќе можеме да го одбраниме нашиот национален интерес во случајот со Република Северна Македонија – рамката за преговори, нацрт-заклучоците на Советот на ЕУ и билатералниот протокол меѓу Софија и Скопје, на којшто се препраќаат овие два документа. Ова го изјави познатата бугарска новинарка Милена Милотинова за утринската програма на бугарската телевизија Bulgaria On Air.

Според неа, од клучно значење е билатералниот протокол, бидејќи во него треба да се видат 4-те услови што треба РС Македонија да ги исполни. Влезот на Бугарите во Уставот на РСМ е услов изваден пред заградата.

„Мора да се видат прашањата поврзани со историјата, спомениците, образовните програми и отсуството на навредливите и лажните содржини во учебниците, говорот на омраза, отворањето на архивите на тајните служби, рехабилитацијата на жртвите на комунистичкиот режим. , нагласи Милотинова.

Таа смета дека постојаните претставници на земјите членки на ЕУ вчера не разговарале за „францускиот“ предлог, во однос на прашањето за РС Македонија бидејќи Бугарија се уште нема изразено национална позиција.
Според Милотинова, нема време да се донесе одлука за предлогот на француското претседателство, а на потег е Комисијата за надворешни работи на парламентот. МНР излезе со став дека очекува брзо свикување на Комисијата.

„Најважно е дали има рокови за имплементација на обврските. Ние веќе имаме два потпишани документи со РС Македонија, кои даваат основа за нашата соработка, но нема рокови и механизми за контрола на нивното спроведување. Бугарија мора да вклучи во преговарачката рамка рокови и контролни механизми“, истакна Милотинова.
Милотинова посочи дека е важно кој оценува како се исполнуваат обврските. Ако немаме механизам за евалуација кој ќе го објективизира досега сработеното, ги немаме потребните гаранции, уверена е таа.

„Важно е Бугарија да вклучи во целиот овој пакет од три документи контролата и мониторингот да бидат во Советот на ЕУ, а не во Европската комисија. Сите 27 земји-членки учествуваат во Советот на ЕУ. Немаме знак од Скопје дали ќе го потпишат билатералниот протокол „Ако Скопје не го потпише билатералниот протокол, нема на што да се лутиме, топката ќе биде во нив“, рече таа.

На крајот, таа предупреди дека македонските Бугари немаат шанса да работат во институциите на РСМ, бидејќи самиот формулар има графа за националност. Тие се пред изборот да лажат дека не се Бугари или да ја запишат вистината и така да бидат дисквалификувани од сите натпреварувања.