(Видео) Новиот еврокомесар за проширување Марта Кос: Скопје да ги вклучи Бугарите во Уставот, и да ги спроведува договорите, нема да има повторни преговори за преговарачката рамка

Северна Македонија да го промени својот устав за да продолжи по европскиот пат. Не е реално да се преговара за преговарачката рамка. Ова го изјави Словенката Марта Кос, која денеска (07.11) беше потврдена за нов комесар за проширување од Комитетот за надворешни работи на Европскиот парламент, јавува БГНЕС.

„Она што е прифатено мора да се спроведе. Ова е предуслов и ќе работиме со Северна Македонија. Очекувам Северна Македонија да го промени уставот што е можно поскоро. Ништо повеќе и ништо помалку“, рече Марта Кос за време на сослушувањето и повика Скопје да го спроведе Договорот за добрососедство со Бугарија.

„Почитувањето на билатералните договори е добро за двете земји и за целата ЕУ“, нагласи Кос.

БГНЕС потсетува дека во годишниот извештај на ЕК за Северна Македонија за прашањето за проширувањето, експлицитно е наведено дека владата на Христијан Мицкоски мора да ги почитува договорите со Бугарија и Грција – Договорот за пријателство и добрососедство (1 август 2017 година со Бугарија ) и договорот од Преспа (јуни 2018 година со Грција).

За време на самото сослушување на новата еврокомесарка за проширување бугарскиот европратеник од редовите на ГЕРБ-ЕНП д-р Андреј Ковачев ѝ ги постави следните прашања:

„Дали имате намера да поддржите било какви промени во содржината на веќе одобрената преговарачка рамка со Република Северна Македонија? Второ, спроведувањето со осетливи резултати на двата договори од Преспа и Договорот со Бугарија и протоколите, тоа е многу важно со протоколите кон него, се дел од преговарачката рамка и Комисијата, како што е предвидено во т. 5 од преговарачката рамка треба да го оцени нивното спроведување како еталон за постигнатиот напредок во преговорите. Можете ли да го потврдите тоа и кога ќе побарате од Вашите служби, ако бидете потврдена за позицијата, да ја направат првата оцена за спроведувањето на договорите со протоколите кон нив? Со оглед на идните активности по скринингот за кластер 1, како Комисијата под Ваше раководство, ќе ги осигура двете патни карти и планот за активностите во однос на малцинствата и заедниците, кои што се основен индикатор, за тоа кластер 1 да биде разработен преку инклузивен процес во националното законодавство на Република Северна Македонија, како што е предвидено во консензусот од 2022 г. “?

Еве што одговори веќе одобрената еврокомесарка за проширување Марта Кос: