Консултативниот Совет за национална безбедност на Бугарија чија главна тема на разговорите ќе биде РС Македонија, ќе биде свикан на првата половина на јануари следната година. Ова денеска во изјава за бугарските медиуми го соопшти претседателот на Р. Бугарија, Румен Радев.
„Многу е важно да се разбере дека почитувањето на правата на македонските Бугари, креирањето услови за нивно вклучување во јавниот, политичкиот, културниот, економскиот живот на земјата е прашање од исклучителна важност и за Бугарија“, изјави Радев.
Во својата изјава Радев повторно се наврати на прекинот на говор на омраза и на создавањето на услови за поголема поврзаност помеѓу нашите две земји. Според него тоа се прашања за кои Бугарија треба да има јасна позиција.
