Во подножјето на Рила ќе се одржи најголемото велигденско оро за време на празникот „Самоковски гозби“

Љубителите на локалната бугарска кујна и на фолклорните традиции ќе се соберат на плоштадот во Самоков на 17 април.

Ќе се насладат на вкусните традиционални и модерни гозби од регионот и ќе го одиграат најголемото Велигденско оро, изјави пред Радио Софија Стојан Стојанов од организаторите на настанот.

„Кулинарски фестивали на Бугарија“, Фондацијата „SEED“ и општина Самоков, со поддршка на Локалната иницијативна група (МИГ) од градот Рила, всушност ги обединија силите и желбата зад иницијативата.

„Пред извесно време се одржуваа собори во различни населени места, но тие беа повеќе од мештаните за мештаните – истакна Стојанов. – Веќе има 30-40 фестивали поврзани со одредена храна или производ, кои се стремат да привлечат и градски луѓе. Веќе неколку години им помагаме да ги направат тие настани поатрактивни, да им олеснат на посетителите кои понекогаш се групи или семејства, а бараат и ноќевање. Ги каниме кулинарските мајстори и во градовите, на пример на фармерските пазари“.

Стојанов додаде дека Празникот на Самоковските гозби ќе се одржи на 17 април, понеделник (неработен ден), од 12:00 до 17:00 часот. Предвидено е кулинарската блогерка и инфлуенсерка Соња Јанкова, позната и од кулинарско ТВ ријалити, да направи модерна варијанта на вкусните амблеми на Самоковскиот крај – компирите и хранливиот грав. Таа ќе подготви тортиља од компири со чили кон карне и на лице место ќе претстави 150 вкусни тортиљи кои потоа лесно ќе можеме да ги подготвиме дома, се разбира, само откако ќе ги дознаеме тајните на нејзиниот рецепт и ќе видиме во живо како се подготвува.

Локалниот готвач Красимир Ангелов ќе зготви јагнешка курбан чорба. Ќе пее младата фолк пејачка Деси Николова од село Радуил.