ЗАХАРИЕВА ЗА „РОЈТЕРС“: ЌЕ ГО ПРИЗНАЕМЕ МАКЕДОНСКИОТ ИДЕНТИТЕТ, АКО ТИЕ ЈА ПРИЗНААТ ИСТОРИСКАТА ВИСТИНА
Бугарија не го оспорува правото на самоопределување на Република Македонија, ниту нивното право да го нарекуваат својот јазик како што сакаат. Ова го изјави бугарската вицепремиерка и министерка за надворешни работи Екатерина Захариева во интервју за Ројтерс.
„Нашата загриженост е поврзана со непрекинатите претензии на Р. Македонија за постоење на македонско малцинство во нашата земја. Ако ги препознаат корените на нивната нација и јазик, тоа ќе заврши“, додава шефицата на бугарската дипломатија.
Екатерина Захариева потсети дека Бугарија го фокусирала својот прв период од ротирачкото претседателство со ЕУ во 2018 година на забрзаниот пристап на земјите од Западен Балкан во ЕУ. Но, таа може да стави вето на официјалниот почеток на пристапните разговори со Македонија следниот месец, ако двете не најдат решение за овие прашања.
Бугарија го губи трпението од неподготвеноста на Македонија да го спроведе Договорот за пријателство потпишан од двете земји во 2017 година. Како излез, таа нуди поддршка на формалниот почеток на пристапните преговори доколку во Скопје признаат дека нивниот идентитет и јазик имаат бугарски темели, со што завршуваат сите тврдења дека постои јасно „македонско“ малцинство во Бугарија.
Доколку Македонија се согласи, Софија е подготвена да го признае македонскиот како еден од официјалните јазици на нејзиниот сосед, како и македонскиот идентитет.
„Ние не го оспоруваме нивното право на самоопределување, ниту нивното право да го нарекуваат својот јазик како што сакаат. Подготвени сме да ги потврдиме моменталните реалности, но тие мора да ја признаат историската вистина “, рече Захариева.
