ГРАДОНАЧАЛНИКОТ НА КУМАНОВО ПОВТОРНО БАРА КАРАНТИН ЗА ГРАДОТ
По постојаното зголемување на бројот на заболени од Коронавирусот, градоначалникот на Куманово повторно повика градот да биде ставен во карантин. Општинскиот кризен штаб во овој град побара итна акција за ставање на градот во целосен карантин, со прецизно дефинирани протоколи за однесувањето на институциите, граѓаните и правните лица со контролни пунктови на влезот и излезот од градот, како и построги мерки за ограничување.
Општината, исто така, апелираше до граѓаните да ги отстранат нелегално паркираните возила на разни јавни места, со цел да се направи дезинфекција на местата/просториите без проблеми.
