Бугарија со трет најголем раст на минималната плата во ЕУ
Бугарија се наоѓа на третото место меѓу земјите-членки на Европската унија според растот на минималната работна плата во периодот од јули 2015 до јули 2025 година, покажуваат податоците на „Евростат“. Според извештајот, просечниот годишен раст на минималната плата во Бугарија изнесува 11%. Пред неа се наоѓаат само Романија со 13 проценти и Литванија со нешто над 12 проценти.
Сепак, и покрај високото темпо на зголемување, на 1 јули 2025 година Бугарија останува земја со најниска минимална плата во Унијата – само 551 евро на месец.
Највисока минимална плата е забележана во Луксембург, каде што истата изнесува 2704 евра.
Во групата земји со минимална плата под 1000 евра месечно, покрај Бугарија, се вбројуваат и Хрватска, Малта, Естонија, Чешка, Словачка, Романија, Латвија и Унгарија. Највисоко ниво во оваа група има Хрватска со 940 евра, додека во Латвија минималната плата е 740 евра месечно.
