Бугарската народна банка пушти во оптек златна монета посветена на Св. Иван Рилски

Бугарската народна банка на 12 октомври пушти во оптек златна колекционерска монета посветена на небесниот покровител на Бугарија, Св. Иван Рилски, соопштуваат од институцијата, пренесува БНР.
Монетата, која е дел од серијата „Бугарска иконографија“, има номинална вредност од 100 евра. Нејзината цена при пуштањето во оптек изнесува 1508 евра. Во бугарската православна традиција, Св. Иван Рилски Чудотворец се почитува како духовен отец, наставник и небесен заштитник на Бугарите.

Роден е околу 876 година во селото Скрино, на Осоговските Планини. Се претпоставува дека се образувал и се замонашил во манастирот „Св. Димитриј“ под врвот Руен. Подоцна Св. Иван Рилски го напуштил манастирот, се повлекол во самотија и се посветил на пост и молитви. Како пустиник престојувал на различни места сè додека не стигнал до планината Рила, каде што останал до крајот на животот, основајќи го Рилскиот манастир – светото прибежиште што до денес останало столб на верата и бугарскиот дух.

Во 2026 година се навршуваат 1150 години од раѓањето и 1080 години од смртта на светецот.