Бугарски ученици освоија пет признанија на Меѓународната олимпијада по вештачка интелигенција во Казахстан
Бугарските ученици освоија еден сребрен и два бронзени медали, како и две почесни дипломи на третото издание на Меѓународната олимпијада по вештачка интелигенција (IOAI), што се одржа од 2 до 8 август во Астана, Казахстан, соопшти Здружението на олимписките тимови по природни науки, пренесува БНТ.
Сребрен медал освои Мартин Недев, ученик во 12-то одделение во Природно-математичката гимназија во Хасково.
Со бронзени медали се закитија Марио Петков, ученик во 12-то одделение во ПГЕХТ во Плевен, и Пресијан Георгиев, ученик во 12-то одделение во Софиската математичка гимназија.
Почесни дипломи добија Калојан Иванов, ученик во 12-то одделение во ПГКПИ во Бургас, и Александар Славов, ученик во 10-то одделение во Математичката гимназија во Русе.
Меѓународната олимпијада по вештачка интелигенција е основана во Бугарија во 2024 година, а денес е втората најголема научна олимпијада во светот според бројот на земји учеснички.
IOAI се одржува под покровителство на УНЕСКО, а годинашното издание во Казахстан собра учесници од повеќе од 100 држави и територии.
Бугарија беше претставена од осум ученици: Божидара Пухалева, Мартин Недев, Рајан Камаринчев, Калојан Иванов, Спас Стоименов, Пресијан Георгиев, Марио Петков и Александар Славов.
Раководители на бугарскиот олимписки тим се Меланија Бербатова и Алексис Дацерис.
