ЕВО МОРАЛЕС: АКО СЕ ВРАТАМ ВО БОЛИВИЈА ЌЕ ОРГАНИЗИРАМ ВООРУЖЕНИ МИЛИЦИИ

Поранешниот претседател на Боливија, Ево Моралес, кој живее во егзил во Аргентина, во снимка објавена вчера од боливиското радио изјави дека доколку се врати во Боливија ќе формира „вооружени милиции како оние во Венецуела“, објави Франс прес.

Во објавената снимка, Моралес, кој поднесе оставка на 10 ноември, повторува дека тој бил жртва на пуч. Според неговите зборови, „тешка грешка“ на неговата влада бил недостатокот на план Б против десничарите во земјата.

„Бевме премногу наивни. Во иднина, ако се вратам во Боливија, ќе мораме да организираме вооружени милиции како што тоа го направи Венецуела“, вели Моралес.