КОВАЧЕВ МУ ВРАТИ НА МИЦКОСКИ: ВЕСНИКОТ ЊУ ЈОРК ТАЈМС НА 11 МАЈ 1903 ПИШУВА ЗА ГОЦЕ ДЕКА Е БУГАРСКИ РЕВОЛУЦИОНЕР

Изненаден сум од нивото на искомплексираните политичари покрај Вардарот кои мислат дека го докажуваат „македонскиот етнички идентитет“ на Гоце Делчев споделувајќи известување од 26.05.1903 година, во кое се наведува дека е убиен македонски водач. Само две недели порано, на 11 мај 1903 година, истиот весник пишува дека бил убиен бугарски револуционерен водач. Во тоа време е општо познато (и политичарите во Скопје го знаат тоа, но лажат за политички придобивки) дека зборот македонски е географска ознака, а не етничка. Сите што живеат во географската област Македонија, се Македонци – етнички Бугари, Турци, Грци, Албанци, Власи итн. Жално е што тие продолжуваат со овие смешни „докази“ да придонесуваат за уште поголема омраза и неединство. Ова го нарекуваат „европско однесување“. Нема голема разлика помеѓу сегашната власт и опозицијата. Тие се натпреваруваат да кажат поголема лага и да создадат поголема омраза кон Бугарија за да освојат одреден повисок процент. И да не заборавиме, Бугарија е виновна за сè. Лошата Бугарија, која е лоша, без оглед на тоа што прави – 30 години беше добра и помагаше во сè – многу лошо, сега си „дозволува“ да поставува услови, многу лошо …, пишува бугарскиот европратеник Андреј Ковачев во својата објава на социјалната мрежа facebook, како реакција на објавата на претседателот на ВМРО-ДПМНЕ Христијан Мицкоски, кој објави фотографија од исечок од весник во кој Гоце Делчев се наведува како македонски лидер.

Во коментарите под постот Ковачев ја објавува и фотографијата од истиот весник каде што две седмици порано Гоце Делчев е наречен бугарски револуционер.