ОД ИНСПЕКТОРАТОТ ЗА ЖИВОТНА СРЕДИНА СМИРУВААТ: ПЕЧКАТА ЗА СОГОРУВАЊЕ НА МЕДИЦИНСКИ ОТПАД НЕ ЗАГАДУВА
Државниот инспекторат за животна средина ја смирува јавноста дека печката за согорување на медицински отпад во скопската депонија „Дрисла“ не го загадува воздухот.
Од Инспекторатот велат дека на 31 мај и 20 јуни акредитирана лабораторија извршила мерење, а резултатите добиени на 6 јуни и 4 јули покажале дека количествата испуштени јаглероден моноксид (СО), јаглероден двооксид (СО2), азотни оксиди (NOx), сулфурен двооксид (SO2) и прашина не ги надминуваат просечните вредности.
