ПО ВЕЛИГДЕН ЌЕ ПОЧНЕ СУДЕЊЕТО ПРОТИВ ДВАЈЦАТА ТЕПАЧИ ОД ШТИП

//

По Велгиден, планирано е да започне судењето на двајцата напаѓачи на девојката од Штип. Пред судот ќе бидат изведени двајцата штипјани што ја претепаа 21-годишната девојка и тоа го снимија на видео, кое потоа заврши на социјалните мрежи, јавува ТВ Стар.

Основното јавно обвинителство од Штип ја заврши истрагата, поднесено е обвинение и закажано е судењето во Основниот суд во Штип.

23-годишниот П.Р. и 26-годишниот С.А., и двајцата од Штип, се обвинети за делото „Насилство“. За ова дело во Кривичниот закон, според Обвинителството, е предвидена казна затвор во траење од шест месеци до пет години. Во текот на истрагата не е утврдено дека се работи за „Семејно насилство“, дело за кое казната е поголема, бидејќи девојката не била во партнерски однос ниту со едниот ниту со другиот.





Претходна статија

КОРОНАВИРУСОТ НЕ ГИ СПРЕЧИ ДА ПРОСЛАВАТ 50 ГОДИНИ БРАК

Следна статија

ГЕРМАНИЈА СО КРИТИКИ ДО ТРАМП ПОРАДИ ПРЕКИНОТ НА ФИНАНСИРАЊЕТО НА СЗО

Најново од Вести