Софија и цела Бугарија со богата програма ќе ја одбележат 150-та годишнина од Априлското востание

Со низа настани во Софија и низ цела Бугарија ќе биде одбележана 150-годишнината од Априлското востание на 20 април, јавува БГНЕС.

Централниот настан е свечен концерт во Националниот дворец на културата од 19:00 часот, со учество на Симфонискиот оркестар и Мешаниот хор на Бугарското национално радио, како и солистите Красимира Стојанова и Светлин Русев.

Од 11:00 часот во Воената академија „Георги Стојков Раковски“ ќе се одржи научна сесија, која ќе продолжи со дискусии во Софискиот универзитет „Св. Климент Охридски“. Во 17:00 часот во Националната библиотека „Св. св. Кирил и Методиј“ ќе биде отворена изложба со архивски материјали.

Во текот на денот се организираат и образовни и културни активности, меѓу кои игра за ученици во Борисовата градина и театарски моноспектакл посветен на Рајна Књагиња.

Бугарската народна банка пушта во оптек и сребрена монета по повод годишнината.