Ташев: Власта во Скопје ќе најде начин да ги спроведе измените во Уставот

Се очекуваше цар Самoил да биде признаен за бугарски цар. Тоа се фактите, иако во Скопје тешко се прифаќаат. Лидерите на РСМ ќе најдат поддршка во опозицијата за да се спроведе промената на Уставот, бидејќи без неа нема да има почеток на преговорите за влез во ЕУ. Ова го изјави историчарот доц. д-р Спас Ташев од БАН за бугарската телевизија Нова њуз.

Според него, нема да има отпор од власта по постигнатиот консензус во историската комисија.

„До една година треба да се расчистат несогласувањата за средниот век, а до учебната 2024/25 година да се случат промени во учебниците за истиот период. Имаме фиксирани рокови, во Скопје тврдат за внатрешна политичка употреба дека тоа се препораки, но не е така“, објасни тој.

Според него, доколку имало единствена координација и договор со француското претседателство, Бугарија порано ќе го добиела нивниот предлог.

„Мултинасочноста и неконзистентноста ја одиграа својата улога. Во иднина ќе има интензивирање на контактите во историската комисија“, смета Ташев.