Утврден е победникот на конкурсот за реставрација на воениот споменик пред НДК во Софија

Утврден е победникот на архитектонскиот конкурс за изработка на проект за реставрација на Спомен-обележјето на загинатите војници од Првиот пешадиски полк од Софија и Шестиот пешадиски полк од Трново, јавува БГНЕС.

БГНЕС потсетува дека стариот споменик бил уништен од тоталитарната комунистичка власт при изградбата на НДК и поконкретно споменикот 1300 години Бугарија.

Споменикот го открил царот Борис III во 1934 г. потоа, на тоа место се одржувале голем број воени комеморации и други свечени настани до крајот на Втората светска војна.

Спомен-обележјето било во форма на буквата П и се состоело од три ѕида, на кои биле испишани имињата на хероите кои загинале за обединувањето на Бугарија за време на двете балкански војни и Првата светска војна. Пред централниот ѕид имало лав кој ја држел картата на Санстефанска Бугарија. Овој ист лав е веќе вратен на своето место по демонтирањето поради споменикот 1300 години Бугарија.